Odam siqilganda boshi aylanadimi?

Ha, odam ruhiy siqilish, qo‘rquv va asabiylik paytida boshi aylanishi mumkin. Bunday holat psixogen bosh aylanishi deb ataladi. U asosan tez hayajonlanadigan, xavotirga moyil odamlarda uchraydi. Bu turdagi bosh aylanishi joy yoki vaziyat biroz o‘zgarsa ham kuchayishi mumkin.
Masalan, baland qavatli uyda yashovchi odam yuqoriroq qavatga chiqib, balandlikdan pastga qaraganda bosh aylanishi, ko‘ngil aynishi va gandiraklashni his qiladi. Qiziq tomoni shundaki, bunday holatda ochiq joydan chiqib, yopiq joyga kirganda alomatlar tezda kamayadi.
Psixogen bosh aylanishida bemor ko‘pincha liftdan ko‘ra zinapoyani afzal ko‘radi, chunki lift yopiq joy va balandlik hissini kuchaytiradi. Ko‘p hollarda bu holat qo‘rquv va ichki xavotir bilan birga kechadi.
Bosh aylanishi faqat balandlikda emas, balki katta yo‘llardagi tez harakatlanayotgan avtomobillarga qaraganda, katta majlis zallarida, uzoq davom etadigan darslarda ham kuchayishi mumkin. Talabalarda imtihon oldidan, ilmiy xodim va ijodkorlarda esa ortiqcha aqliy zo‘riqish bosh aylanishiga sabab bo‘ladi. Agar bunday holatlar tez-tez takrorlansa, nevropatolog yoki psixologga murojaat qilish tavsiya etiladi.

Bemorni to‘liq tiklashga qaratilgan muhit – Hilol Med’da.

Joyingizni band qilish uchun xoziroq ro’yxatdan o’ting. Ro’yxatdan o’tish